كلمات اغنية اكذوبة عايل 2025

القلب مهما حلف كذاب

في الحب ما يصدق التوبه

يحلف ويقسم وهو ما تاب

ويرمي على العين عذروبه

يا قلب ياللي شبابك شاب

ما بين صحوه وغيبوبه

من سبّتك شمع عمري ذاب

وايام الانسان محسوبه

فيك الرجا يا خفوقي خاب

يوم ان طرفي التفت صوبه

الفاتن الباهي الجذّاب

الساحر بروعة اسلوبه

اللي رماني بسن احراب

من نار رمشه ولاهوبه

وانا من الشوق والاعجاب

امسيت والروح مسلوبه

ومن بعد ماهو اسرني غاب

واتحول الحب اكذوبة

وانا اللذي ما قريت كتاب

عنّه ولا ذقت مشروبه

راح وترك لي انين اطناب

وخيام بالقلب منصوبه

وتسكرت دونه الابواب

والليل خيّم على دروبه