كلمات اغنية بطلوا عسارة عبدالرحمن الصباحي 2025

بطلوا عسارة

كم قهر وكم غلايب

من باطل الحبايب

الكل صار عايب

والذيب زاد انينه

كان به رجال تفزع

للراس دوم ترفع

مالان مابتنفع

حنين قلبي حنينه

اين الرجال الاقحاح

الكل عننا راح

والقلب بعدهم صاح

اين الرجال اينه

عاد كان به من اول

رجال فالصف الاول

دايم عليك تسأل

شده بها ولينه

مالان ماشي احد

رسم طريق وحدد

لاجزر جاء ولا مد

كلاً ركب سفينه

وين فعلهم في الخير

وخيرهم مع الغير

الطير يفهم الطير

ياطاير المدينه

محد بينفع اهله

يصرف لكل شله

نسي من هو من اصله

ويمكنك منينه

هو عيب عليه يبرز

وهو ولا بينجز

والكذب كم بيخبز

محتال طول سنينه

بالكذب شخص شاطر

بالفعل ثعل ماكر

غايب وان كان حاضر

ولا بيض جبينه

كم كان لنا بيحلف

وللوعود يخلف

ياكم يدور ويلف

معروف بكل شينه

مابش عليه ركانه

وقد خان الامانه

نسي ماضي زمانه

وين كان فيه وينه

كلاً له مساره

وبطلوا عساره

يكفي الحليم اشاره

والحر محد يهينه