كلمات اغنية خاوي اللي يخاويك عبدالرحمن الصباحي 2024

خط ياهاجسي سطر حروفي تكلم

ودي اليوم شيلة لحنها لحن حساس

شاش راسي ولحن ي الصباحي ترنم

شيل يا بو سليمان القوافي بأحساس

شيلة اليوم شيلة من سمعها تحزم

يطنخ الراس ويشوش لاسمع ذا التحماس

اصغي القول من شاعر ومنشد مخضرم

ويش قال في القصيد يا كل واعي ونبراس

قال غدر الصحب موضوع على الراس حوم

كم في الظهر طعنه تُحسب اخماس واسداس

ياحسافه على من خان صحبه ولا اهتم

كيف يغدر بمن كانوا حواليه حراس

بعض الأصحاب يخون العيش والملح لاتم

المصالح ويغدر بك كما فعل جساس

اسمع القول مني يالخوي قبل تندم

خاوي اللي ياخاويك واصحب الجيد في الناس

اوفى الأصحاب لاشافك بضيقك تقدم

مثلما السيل يفزع فزعته ترفع الراس

وردى الاصحاب ماشي منهم اي مغنم

غير حب المصالح و الدراهم والافلاس

ياسلامي على من له صديق صدق مغنم

ماتغيره الأيام لأن في الناس اجناس

احتزم في خويك قول والله ونعم

في الخوي ذي له الفزعه سند دون مقياس

وانتبه تشتري شخصاً يبيعك بدرهم

وانتبه لا تبيع انسان غالي كما الماس

صاحبك راس مالك صون للعهد ولزم

واحذر احذر يفرق بينكم اي دساس

قالها ابن الصباحي خير الاصحاب مرهم

به تداوء من اجراح السكاكين والامواس

والردي طول عمرة كــ العقارب مسمم

احذره قبل ما يوضع لك السم في الكاس

في الاخير شل ياهدهد سلامي مقدم

لصديق الوفي لو كان حتى بتكساس

والصلاه تبلغ المختار طه المكرم

شافع امة محمد يوم ماتحشر الناس