كلمات اغنية وقفنا عبدالرحمن الصباحي 2026

وقفنا والوقوف الصلب ما يحتاج له موصوف

وسوينا من الاايام فينا للشعور احساس

نقول الحق لو دربه من اشواك البلا محفوف

ولانشكي وجعنا للبشر لاضاقت الانفاس

ونبقى والزمن يفنى ونضحك والضروف ضروف

ولجل العز والناموس لو نوصل لقطع الراس

عرفنا الي يصون الود والي ينكر المعروف

وشفنا من يجي وقت الفرح ويغيب وقت الباس

وانا ماجيت ادور مدح من يكذب وهو مكشوف

كبرت بعين نفسي قبل لكبر في عيون الناس

ومهما كانت احداث الزمن خارج عن المألوف

رفعناها لرب الكون قبل الشعر والقرطاس

نكافي بالجميل اثنين، وان جارت دعسنا الخوف

ونثبت في سبيل الله ثبات الحيد والقرناس

نعيش احرار فوق الأرض وان متنا نموت وقوف

مبادي ثابتة ما اتغيرت مثل الذهب والماس