كلمات اغنية ياموطني عبدالرحمن ال عبيه 2024

يا موطني فخر الملايين

غلاك ما ينقاس بقياس

متمكنٍ وسط الشرايين

ماهوب حب الناس للناس

يا درتن في محجر العين

مكانها فالكون حساس

تكبر وتكبر عام وتزين

لين أستحلت كل نوماس

في عيدك الأربع وتسعين

جيدك كمل به عقد الألماس

يشع نوره للبلادين

ويجيه متعطش وعساس

بقياده اللي قادها لين

صارت مناراتن و نبراس

سلمان يا نسل السلاطين

لامن غدت الأرياق يباس

و التجربه خير البراهين

ملجا لمن هو يشكي الباس

ترثه هل العوجا الميامين

اخوان نوره كل قرناس

ومحمد إمن الغرب للصين

وضع لنا فالمجد مجلاس

بين المؤسس وابن حثلين

بان الفخر ساسن على ساس

حكامنا للحق والدين

نصرة هله من كلّ الأجناس

منا لهم في العسر واللين

عهد الوفا مالراس للراس

و للملكة دايم ملبين

من دونها بالدرع و الطاس

عهدٍ لنا ماضي و ذلحين

و اللي يخون العهد ينداس

للمملكة و لملكنا ملبين

من دونهم نعتلي قب الأفراس

عهدٍ عطيناه ماضي و ذلحين

و اللي يخون المواثيق ينداس