كلمات اغنية رش المطر عبدالرحمن بن لويفي 2024

زيّن المسرى بروق ن للمساري هيضنّا

طير المرقاد عن عيني تلماّع المخيله

وعيني الي قبل ماابروق المخايل يبرقنّا

عاد انا يادوبي اسرق نوم عيني كل ليله

كل ماقام يتكاشف برقها منا ومنا

انكشف وجه الديار ونقّض الليل وجديله

نبي طرقة ن للديرة الي مافيها ارسال

انا وادي ن مقطوع الابراج محتاجة

تعب خاطري من دقة الهاتف الجوال

ابرتاح وان الحي للحي متواجه

وانت ياللي عن لزومي من عرفته ماتونا

يارفيق ن مارضينا في غيابه عن بديله

مثل مالقى ضحتك يوم الليالي يضحنّكا

ضحتك هي ضحتك يوم اني وقتي فيه ميله

ابرقت واستبشرت بدون على البرق تعنا

وين مايبرق على بطون السحايب تستخيله

دوا الروح من رش المطر كسرة الفنجال

مع الصاحب الي يوم ماعقد احجاجه

رفيقي ليا من صار حملي علي جبال

تناصف معاي الحمل واوقد لي اسراجه

جعل يسقي في مصبّه دار جداني واهلنا

وجعل يسقي كل طيّب ماذخر بنّه وهيله

كل ماخاله بعيد الدار والمشتاق حنّا

لاذكر داره وخلانه ولا فالبعد حيله

ودي انطح فيه صدر ن من عنا وقته معنّا

يتقد تحت الضلوع الناحلة مثل المليلة

مثل مالثرى محتاج للصيّب الهمال

انا خاطري بالحيل بالحيل محتاجه

رشاريش وبله كنّها تقول كيف الحال

ومن لطفها وجهي تحاشى عن احراجه

الصباح اليا تنفّس ريح هيل وريح بنّا

ارتوى ليله مطر عذب ن قراح ن سلسبيله

كل طير ن فوق غصن ن نادي ن رفرف وغنّا

في صباح ن ماطر يذكّر خليل ن في خليله

وانت يالي عام الاول جابك الغيث لوطنّا

جعل يذكر لك مطرنا لين تشتاق وتجيله

كل من دك الهوى قلبه مع البارق يحنّا

لالمع من فوق مرباع الهوى ياعزتيله