كلمات اغنية الحظ السعيد عبدالعزيز العليوي 2026

يابسمة الحظ السعيد

يا فرحة القلب الوحيد

يا منية الغايب بعيد

ياشوق صحرا للسحاب

يا نفحة العطر الجميل

يا رحلة العمر الطويل

يا اصل ما عنه بديل

يا سر ما ضمه كتاب

ياكل اوقات الهنا

يا بيت فيه احلامنا

أخطيت في حقك وانا

مخطي ولو اني صواب

دعواتي اللي تتبعك

اسهر ليالينا معك

وادري لقانا مطمعك

ونعوض ايام الغياب

ادري زمنا ما يروف

يتبع امانه الف خوف

اوااااه ياحكم الظروف

كم فرقت بين الصحاب

حاكيت في ليلي نجوم

عن شوق وامطار الغيوم

سهران في عتمى الهموم

وأيام احسبها حساب

عندي امل في داخلي

يقبل وهو مشتاق لي

والخير يرسي بساحلي

وأنسى تفاصيل العتاب

اذكر ليالينا بشوق

يجري دفاها بالعروق

رغم المطر وايا البروق

والرعد من بين الضباب

اعطيت وعدي بالوفى

واليوم قلبي اكتفى

مرتاح ما يبغى جفى

قفل معه مليون باب

ماشوف غيره فالوجود

حتى وانا بين الحشود

عيني توقفها حدود

وتحط ع الناس الحجاب

يسكت ورحي تسمعه

وافهم حكاية مدمعه

ينثر وروده واجمعه

قطر الندى واحلى شراب

اجمل عيون شفتها

ورد الطبيعه تحتها

وابدع تعالى نحتها

ويبان من تحت النقاب

العود فارع واعتلت

باللين لانت وامتلت

والجادل اللي لا انفلت

لفت لها كل الرقاب

باليد نادت لوحت

قالت هلا ثم روحت

واحيت ورود فوحت

طيب على جرحي وطاب

يا نجم لو شفت الجمال

أوصاف من ضرب الخيال

وتبان في فعل الدلال

ما تنحجب تحت الثياب

لحظه .. تذكرت النجوم

ما تسمع اهات الهموم

وتغيب في وقت تقوم

شمس الحقيقة والسراب