كلمات اغنية قطعة قمر عبدالله الصخابرة 2026

وقفت اطالع بنص الدرب شمس الغروب

واحــتــرت اوجّْــه عــلـى قــدام والا ورا

وهبت عليّه من الغربي نسيم الهبوب

وامـن الحـزن كل شـيٍ في ضميري طـــرا

واقـول ياقـلب رَوُّح دام مـنت محسـوب

قال اصـبـر ، الجـرح تـوّه دامـيٍ مـابــــرا

واقف وانـاظر من الصدمه على كل صوب

واقـول فـي داخـلي مـعـقوله اللـي جـــرا

من حـرّ قلبي تقول الجسم ولّـع شبـوب

وعيونـي امـن الحـزن عافت لـذيذ الـكــرا

غـيـبـتك ماهـي بسهله يالـغـزال اللعـوب

يـاللـي غـيـابـــك مـع الايـام بــاع وشـــرا

شـرالي الحـزن وألبسني كـمـا لبس ثـوب

مـن بـعـد مـا باعـنـي وانـا عـيـونـي تــــرا

ياكثر ناسٍ شكـولي من عـذاب الـقـلـوب

واليــوم انـا مــثـلـهـم كــلٍّ بــحــالـي درا

من كثر ماشافت عـيوني بـلاد وشعـوب

ماشـفت مـثلـه بـداخـل مـدن والّا قـــرى

تـقـول ربــي خـلـق زيـنـه بـلـيَّا عـيـوب

ماشـفت مـن يـشـبهه ما بـيـن كـل الــورا

قطعة قـمر وجههـا خلى خفوقي يـذوب

لـو تلتفت كـل سـاري من ضـياها سـرا

واليوم انا بعدها ماشي عـلى دوب دوب

خـايف مـن الطـيحـه اللـي من وراهـا الـزرا

من بعدها صرت تايه في شمال وجـنـوب

والقلب اخـاف يـتـقطع من وثـيق الـعــرا

انـهـدّ مبنى المـحـبه كـلـها طـوب طـوب

مــا عـــاد بـاقـي مـع الايــام ظــل وذرا

وابـخـتـم ببيت يـكـفي للجـميع وينـوب

ويـلخـص اللـي حـصـل كـلـه لـكـل الـبـرا

يـاكم فـارق على درب الغـرام محبـوب

وياكـثـر ما وصـفـو حـزن الفـراق شـعـرا