كلمات اغنية يا روح الدار عبدالمجيد عبدالله 2025

يا روح الدار وانفاس القصيد ونسمة الاشعار

يا حلمي الاول اللي عشت فيه وحلمي الآتي

حبيبة قلبي اللي تعزف بـ قلبي لحن وآوتار

على خطواتها وانفاسها تعزف كتاباتي

تعالي يا بعد روح المدينة والبشر والدار

تعالي وأسكني في وسط صدري واسكني ذاتي

أحبك وأعشقك وأخترتك وقلبي هو المختار

يا طيب الحظ في قربك ويا طيب اختياراتي

احبك كثر ما رفرف جناح العشق فيك وطار

واحبك كثر ما مرت طيوفك في خيالاتي

واحبك كثر ما في طلتك حب ورضى وانوار

واحبك كثر ما وجهت لك كل اتجاهاتي

واحبك كثر ماهب الهوى الغربي على الاشجار

واحبك كثر ما سارت على لقياك خطواتي

لو أخسر كل هالدنيا و أهلها أنتِ الأقدار

انا اللي منتصر في شوفتك يا اغلى انتصاراتي

غرامك يجري بـ دمي مثل ما تجري الانهار

ووجودك يحيي عروق الغلا ويلملم شتاتي

من اللي ما تغار ان شافتك ؟ حتى النجوم تغار

في عتم الليل يسطع نور وجهك فالدجى العاتي

يقولون العمر مشوار وأنتِ غاية المشوار

لآخر يوم في عمري و قربك كل غاياتي

معك وآعاهدك ما اخون حبك والعهود كبار

هذا عهد الوفاء مني و هذي أعذب ابياتي