كلمات اغنية اشتياق الناي علي العبيدي 2025

بعد طول المواصل والشعور وفرحتي وبكاي

تعبت اتبع ورا اوهام السراب اللي علي

احبك غصب عن قلبي ولكن ما بقى لي راي

ظروف الوقت حدّتني على التوديع من بدري

احبك يا عسى ربّي يصبّرني على بلواي

ثقيلة حيل لحظات الموادع يا بعد عمري

بروح اليوم انا كلّي مثل ما جيتك مْن أقصاي

طريقي مو هذاك اللي على خبرك ولا خبري

فمان الذكريات اللي بتملى عمرك اللي جاي

فمان احلى عمر عشته معاك ان كان ماتدري

فمان الصبح ودروب الاماني يوم انا دعواي

عسى الله لا يفرّقنا ولا يمحيك من ذكري

فمان الليل واحلام الوصال وبالك النسّاي

وسواليف السهر وعتابك اللي يتبعه عذري

فمان البعد واحزان الاغاني واشتياق الناي

فمان الله يا اعذب طعنةٍ مركوزه بـ صدري

مع الأيّام تستوعب خسارة مثلي و شرواي

انا اللي لا رحلت تبيّن الدنيا كبر قدري