كلمات اغنية للمجد عنوان عماش الشيباني 2025

 للمجد عنوان

راشد ولد محسن للامجاد عنوان

حرٍ جمعها طيب راس وقرامه

ذاخر له حصانٍ لا بان الفعل بان

سعد يا سعْد اللي يحطه حزامه

في محفله يدرج مع العود رسلان

والمرحبا في صدره وفي كلامه

إلى مهبّ الريح يا راس الانسان

ان كان ما عندك ضمير وكرامه

ما توخذ العزه والا يوخذ الشان

الا بيمناً ما تعرف الرخامه

استسبل جهودك على طول الازمان

حتى تعرف ان الشهامه شهامه

لا تسمع اللي كل ما مرته هان

ويهون معه اللي رغب في كلامه

اللي يبى يسمع من فلان وفلان

يبى يضيع بندقة مع حزامه

احفظ مقام اصحابك وخلك حصان

واحفظ مقام اللي ما يرخص مقامه

ترا الرفيق سلاح وحزام وآمان

يآمن به الصاحب وتقوى عضامه

وان عدو الاصحاب في موقف اخوان

اخوي والله ما تجيه الملامه

اللي كحل عكش المراجل كحيلان

ونظامها دايم موافق نظامه

راشد ولد محسن للامجاد عنوان

حرٍ جمعها طيب راس وقرامه

ما يستريح الا ليا جوه ضيفان

وان جوه شفت بوجهه الابتسامه

وجهٍ بشوش وفعلٍ إيهول الاذهان

والفزعه اللي ما وراها ندامه

اللي عرف راشد ما تعرفْه الأحزان

ايقول للاحزان درب السلامه

اسمه يقدم عند الأفعال برهان

ومواقفه تبقى ليوم القيامه

ذاخر له حصانٍ لا بان الفعل بان

سعد يا سعْد اللي يحطه حزامه

في محفله يدرج مع العود رسلان

والمرحبا في صدره وفي كلامه

واخوانه اللي رجحو كلّ ميزان

اهل الفعول الكايده والزعامه

دهاة نجد مطوعت كل شيطان

هاماتهم تعلى على كل هامه

الاد عاصم يوم للحرب ميدان

تاريخهم ما في محيّاه شامه

شيوخ واكرام ودواهي وفرسان

شوق الهنوف اليا رمت باللثامه

يوم السيوف اتسل والجو دخان

يقريهم التاريخ صادق سلامه