كلمات اغنية مطاليع الحرار عماش الشيباني 2025

مطاليع الحرار

الجو لو انه يطيب الفكر عيا لايطيب

ماكل شيً يتعب الانسان لاجله، يعجبه

احيان نتعب مانصيب واحيان مانتعب نصيب

مير الاكيد ان الليالي والمواقف متعبه

الرجل لازم يجتهد والله يجيب اللي يجيب

لو ان ظرفة منشبه والوقت دايم منشبه

مادور الاعذار لامنه بدا الدرب الصعيب

ايدور اللي كلها درة ولولو واذهبه

شاعر ليا جات اللوازم مايصد ولايغيب

من دون واجبنا مانجهل فالامور الموجبه

المدح مايستاهله راس الضعيف اللي يخيب

يستاهله راس الشجيع اللي عريبن منسبه

لاصار كلن يشتكي ويصيح من بور الصحيب

افخر واماري في صحيبن مايغير مذهبه

المرجلة والطيب والافعال والصدر الرحيب

راسن جمعها كلها زودن على طيب انسبه

عزيز ولد عبدالعزيز اللي يزيد الطيب طيب

قرمن ورث طيب المراجل والعلوم الطيبه

ننصاه من شيً مهيب نرجع ولاشيً مهيب

حرن مطاليعه مطاليع الحرار المرقبه

ماعنده الا ابشر وتم ولاعلى راسه صعيب

يقلط على حوض المنايا ماتراجع منكبه

فعل الوفاء ماهو على راسه جديد ولاغريب

ماله على وجه البسيطه لامثيل ولاشبه

اليا تعزوا قال ابن مشيب ضحى اليوم العصيب

مايحسب احساب الظروف ولاش شيً يغلبه

جدانه اهل الطيب والافعال والساس العريب

تاريخهم ماينحصر يملا صدور المكتبه

افهود نجد اللي يضدون العدا سقم الحريب

اسمن على الاخصام شر وكل خصمن يرعبه

اسم الشيابين ارتبط بالعز والفعل المهيب

عن قمة الامجاد والافعال محدن يحجبه

دايم مجالسهم ترحب بالبعيد وبالقريب

من حدته سود الليالي مستحيل يجنبه

فالوقت الاول مايجي لاخصامهم قسم ونصيب

وفي وقتنا الحاضر يجي لصحيبهم مايطلبه