كلمات اغنية نبرة الحزن عماش الشيباني 2021

ليلة البارح قضت والدموع اهلها

بين تنهيته وعبره وهم وضيق بال

كلمتني جادلا بالهوى ما ملها

والمحب يضيق لاشح خله بالوصال

ترسل البحه وصوت الغلا وارسلها

نبرة الحزن الحقيقي ودمع الشوق سال

من بعدها مل عين المولع ملها

حبها ثابت ولا يختلف طول الليال

المشاعر في غلاها تجي في حلها

هي حبيبة دنيتي هي مناي وراس مال

بنت شيخان" تحوز المراجل كلها

النشاما اهل الحمايا نسبهم عال عال

زينها ماهو طبيعي ومحلا دلها

فارقة في حسنها فوق ربات الجمال

الصبايا من حلاها تزايد غلها

كل ماطلت يجيهن من الغيره هبال

درتن ما احدا" طمعها ولايوصلها

عيطموس" ناعمه فاتنه صعبة منال

عينها عين الوحش والرموش تسلها

فوق وجنتها وتقويسة الحاجب هلال

ويش اوصف ويش اخلي يالبا كلها

كامله بالزين والملح لله الكمال

كان لزينات دوله فهي تحتلها

مالكة تاج الحسن هيبة وعز ودلال