كوبليه ما هي كلمات اغنية كراكيب عمرو مصطفى ...؟
تاريخ طرح اغنية عمرو مصطفى الجديده كراكيب
٢١ يونيو ٢٠١٨
كلمات اغنية كراكيب عمرو مصطفى 2018
كراكيب فيها لبس كله تراب
فيها لعب كرة شراب
هندس وحيطة وبلن
كراكيب وصور طفولة وطيش
فتافيت رغيف العيش
أيام ما كان دا بشلن
بلي، جيلاتي ومرمطة
شوف الجادون جوة الغطا
والقطر لعبة بزمبلك
شبر شبرين وسبع طوبات
طير وأجري وسط الحارات
وأختم بقفاشة الملك
كراكيب وخزن كدا وكراتين
فيها ذكريات لسنين مقفولة بالترابيس
كراكيب صاحب جدع أنتيم
وجيران وحب قديم معجونة بالأحاسيس
ده زمان أنا شعري كان علي جنب
ودي موضه وماليش ذنب
دي كانت حكايه جيل
وكمان مصروفي نص جنيه
باكل وبشرب بيه
واسهر كمان ع النيل
واسمع فؤاد واسمع حميد
واستني أشوف عامر منيب
وجدو عبده وبابا ونيس
والساعه ١٠ خلاص بنام
بعد المسلسل بالتمام
والسهرة تبقي يوم الخميس
كراكيب وخزن كدا وكراتين
فيها ذكريات لسنين مقفولة بالترابيس
كراكيب صاحب جدع أنتيم
وجيران وحب قديم معجونة بالأحاسيس
اغنية كراكيب عمرو مصطفى 2018 بالكلمات مكتوبة كاملة تم طرح اغنية عمرو مصطفى الجديدة على القناة الرسمية على اليوتيوب بتاريخ ٢١ يونيو ٢٠١٨ كوبليه كلمات اغنية
