كلمات اغنية فلاح السعد عواد العواد 2025

توجهت يم النايد اللي مافيه ارسال

زبنته ومديت النظر فيه عصريه

شعمت المناره واستوت حكرة الفنجال

خوى الراس طّبه هيل هندي وبريه

تهيض الهجوس وتبتدي شيلة الموال

وافك الازره للهبوب الشماليه

عيوني على عوباً يشوش بها الهوبال

مع اماتها ماسوقوها الشريطيه

على تلت الجندوب عجله وفيها هبال

ابوها سبيعي وام ابوها سبيعيه

ماتنباع تهدا لبلجن للفخر مدهال

ابو حجاب هادي ريف ضيفه وعانيّه

سليل الشجاعه والكرم بين عم وخال

هل الجوخ واهل البوش واهل الفروسيه

مايجهل ببن حوتان من قيل له رجال

على الارض وامداح الرويبي سماويه

الاد الكويري لاعتزا منهم الخيال

اتعوّد طماميع الحنازيب جبريه

حدود القبيله ثبتوها سهل وجبال

تفاصيلها في صفحة العز مطويه

تدور السنين وبيرق امجادنا مازال

قبايل هل الغلبا العلا والحداريه

مع ايمامنا ابن سعود تضربنا الامثال

ولانا ونصرتنا لعينا السعودية

بعدها هلا ياضيوف رنيه قدر واجلال

على محفلن فيه التراحيب مثنيه

مايحتاج له تحديد موقع على الجوال

قبل تدخل الديره والانوار ماريه

وعودٍ غمامه مزن وسمن قفاه خيال

تحسبنها الارصاد موجه مداريه

على ساحة القصر ومحيطة تقول ظلال

من العصر حط اوقيه وبدل اوقيه

على اليسر ياروس الطناخه هل الافعال

ووّقف واشارك والمشاعر حماسيه

وابارك لفارس حفلنا نادر الاجيال

فلاح السعد والمرجله والشهاميه

عسى الله يهنيه ويديمه على احسن حال

سليل الشيوخ اهل الفعول البطوليه