كلمات اغنية قحطان و مطير عواد العواد 2023

قحطان و مطير

البارحه يوم اقبل الثلث الاخير

وغابت نجوم الليل والسالي رقد

عاينت في الساعه وانا وقتي قصير

وسرّيت عقربها على كف الوعد

نويت اسريها يصير اللي يصير

قبل الظلام ايبدده صبح السعد

الشعر جاله من بحر صدري هدير

فيه الجزاله موجها جزرن ومد

وللمفرده عندي شذا ورد وعبير

والندر براسي لها شعب وبلد

شاعر ولي في الساحه الشي الكثير

نوادرن تذكر ورا اسمن معتمد

لي في الشعر قوه والي هيبة امير

باسلوب متفرد ولا يشبه لاحد

ولي سلطنة عثمان في يني شهير

يوم ارهب المسيح واحصاهم عدد

وساعة دعى داعي الكفو ريف القطير

قلت احتزم واطنخ وتبشر بالسعد

راعي الوفا والفعل والاسم الكبير

اللي خذا فعل الفهد واسم الفهد

القرم ابن عواض عون المستجير

الشامخ اللي في سما الطاله صعد

مال الثقيل من الحمول الا البعير

ومال المواقف والفعول الا فهد

هذاه ابن عواض بالافعال غير

حاز المراجل كلها بعزم وجلد

امعقبن كل المراجل للصغير

ولاهو غريب الشبل من ذاك الاسد

بندر على منهاجه ايحث المسير

وانا اشهد ان القرم عقب له ولد

خواله اللي لا حصل يومن خطير

صف العدا من قو هيبتهم ركد

واعمامه اللي في اللقا نار وسعير

امسطرين المجد بسلاح وعتد

سمى الولد باسم الكفو واسمه شهير

انعم واكرم لاطرا امبارك حمد

ابن حمد لامن غدا شار الشوير

يقدم على كبار المواقف ما ارتعد

امبارك المطنوخ رجلن فيه خير

واسمه مع اهل الطايله دايم يعد

امبارك وربعه هل المجد الكبير

قحطان قحطان السياده والسعد

قوم لهم رايه ليا انجر الجرير

باسم اقحطان اترف في راس العمد

وحفل الرحيمي شرفه جمعن غفير

من طيب راسه شرفو ماحدن قعد

كل القبايل شرفو محفل مطير

العزوه اللي مجدها قبل وبعد

جمع الرحامين ان زعج صوت النذير

وتعلوو الفريس خيلن تجتلد

وايتعبون العاديه يوم المغير

يوم السرايا حسها مثل الرعد

وامسطرين المجد بالسيف الشطير

وحقايق افعولن تخلد للابد