كلمات اغنية مبعد عن العالم عواد العواد 2025

مبعد عن العالم وموجات الارسال

ومبعد عن الزحمه ونور المدينه

شفقٍ على السجه وابا راحة البال

في ساعةٍ بين الهدو والسكينه

وزان القصيد وزان ترتيب الامثال

ماهي بـ وجد وباللحون الحزينه

ولا هي على فرقاء وتوديع الازوال

ولاهي على قل الوفاء والغبينه

انا على مبداي في كل الاحوال

ولا احب انبش فالجروح الدفينه

احرص على طيب المواقف والافعال

حرص الرجل على مقامه ودينه

والقرم له عندي مكانه ومنزال

اقدره و اقدر مقدرينه

ولا الردي راع الحيل والتختال

البعد عنه اطيب وفرصه ثمينه

والي بدالي بالجفياء والاهمال

لاني رفيق إله و لاني عوينه

في صدته ماني مجازيه بقبال

ولا ناهجن نهجه ولا مستعينه

ماني بقايل مثل قولاً بالامثال

من شان خاطر عين تكرم مدينه

مكانتي واسمي وتاريخ الابطال

عندي وعند اهل المواقف ثمينه