كلمات اغنية مش عذري عواد العواد 2024

مش عذري من غلاي ومّش دمعك مّشه

كل شيً هاين الا دمعتك وانكافك

مثل ما قال المثل ما دام يمشي مشه

وخل عينك لأمام ولا تشوف اخلافك

قلبي اضلوعه حديد وعند زولك هشه

لو اعيف الكون كله مستحيل اعافك

الاسد ساد بـ عرينه والحمام ابـ عشه

وانت سيّد قلبي الي بـ العقل مشرافك

من عرف علم البعير الي برك من غشه

بيعرف معنى تمازج رقتك واجحافك

فيك ثقل وفيك خف وفيك عقل ووشه

وفيك خيرن مستمده من عموق اسلافك

وفيك زينً ما يغطى لو غطاك ايخشه

لا تحسّبه نفس شعرك لا انتثر لـ اكتافك

حافظك حفظ الضرير الي يداري رمشه

لو عينه ما يشوف ابها ياكود اطيافك

اتفلسف في قصيدي والحزين ابشه

وانت لو انك قصيده يا صعّب فلسافك

فيك من يسمع قصيدي يبتسم من دهشه

وتصغر ابياتي لو انه يا حبيبي شافك

اخ يالبى العيون ويا فديت الخشه

اوصفك ممكن ولكن مستحيل انصافك

انت صوت الطير والغيم الكثيف ورشه

ايتكلم عن وفاك وعن جميع اوصافك