كلمات اغنية نهار الحرايب عواد العواد 2024

قنوف السحاب اللي نشى غرب للجيان

انا اخيل براقه وانا فـ ايمن العبله

سرى بارقه لين انتحى شرق للصمان

تغشى به الهملول لين انثعى وبله

تنادت على ملفاه من فرحة البدوان

قصيدة ثناء ماهيب فالمكر والربله

طرالي شداه من النبا صبة الودان

فوح الخزامى اللي يشاديه يطرب له

ابو سمعةٍ عطرة ليا جات للعربان

نفحة شذاها نعم والنعم ينسب له

خذاها بطول ذراع ما جات بالمجان

و راع الجميله فـ المواقيف تحسب له

سليل ابلجٍ يمناه للجود والصفطان

عنّ كل عيطاٍ فالمشاريف تكتب له

يقدّم على الصفين لاجاء الخصيم حصان

كبود الاعادي من طواريه مندبله

عن محمد الزاروط اله فالمديح عنان

واللي تجي له شرق واللي تغرب له

من خيول عبدالله ليا جات فالميدان

تتل الشكيمه فالميادين منهبله

يرّفا ظهرها منه في ردعة الفرسان

وهي تذهب امعاديه للشرق والقبله

نهار الحرايب تفرق الروس والذرعان

وذيّ عون تلعب فالمعادين بالسبله

ياذخر العبادل والعبادل من المطران

اهل موقفٍ روس الرياجيل تطرب له

يا عبدالله ابشر والسعد موقف الازمان

ومن كان في شرواك يالقرم نتعب له