كلمات اغنية آيه عليهم عيضه المنهالي 2025

آيــــهٍ عــلـيـهـم آيـــــه

هـمْ روحــــي وْ الــغـنـاهْ

بــو قـصّــةٍ مـسْـحـايــــه

وِ الْـخـدْ يــــا مَـحْـلاهْ

خـشْــمـه رفــعْ لـوقـايـــه

وْ عـيـنــــه فـيـهـا دعــــاهْ

وْ خـصــــوره الْـمَطْوايــه

مَهْـضـــومـه فــــي حَـشـاهْ

وْ ردوفــه إمْــعَــلّايــــه

وْ مِشْيَـه درزْ الــقـطـاهْ

طالـبْ مِــنْـه الْـحِـمـايــه

إبْـعَــطْفْ وْمـراعَـــــــــاهْ

وْ يـاخِــذْ منّــــي وصـايـه

فـي شَــفّــــه ومْـعْـنـاهْ

لـنّــي بـحُـبّــــه تـايــــــه

قَـفْــرٍ بـعـيـــــدٍ (مـاهْ)

بَـحْــرهْ غـزيـــــر الْـمـايـه

غَـرّقْــنــي فــــي هـــــواهْ

الـدانـه الْـمَنْـقـايــــــــه

لـلْغـيـصْ وْ مُبْـتَـغـــــاهْ

وصْلــه وْ شــوفــهْ مُنـايــه

طِــبّ الْـعُــوقْ وْ دَوَاهْ

هُــوْ مَـطْـلَـبـي وْ هَــوايــه

وْ مِــرادِي فــــي الْـحـيــاهْ