كلمات اغنية هند فؤاد عبد الواحد 2025

شمسٍ لِفَتْنا و أشرقت ديرة الحيْ

وباحلى بشاره فرحة دْبي تمّت

من اسمها تاخذ غلا شيخة دبيْ

ام الشيوخ اللي عليها تسمّت

هند التي بإقبالها الخير يلفيْ

دانه إلى عقدٍ من اللول ضُمّت

طفله يغازل وجهها النور والضيْ

والدار كلها بطيب الأذكار سمّت

مبروك ( حمدان ) وعسى (هند) تربِيْ

في عزكم وْديار للعــز ضَمّت

هذه سِميّة شيخة الطيب .. واعنِّيْ

ان السجايا الطيّبه ب ( هند ) عمّت

يشوف (حمدان الوفا ) (هند ) كل شيْ

سدرة عطا من حولها قلوب لمّت

ويا ( هند حمدان ) اشربي وارتوي ريْ

من نبع طيبٍ حوله الناس يمّت

بج مرحبا ترحيب بالفخر مَكْسّيْ

باعداد ما شيوخ المصلّين أمّت

بقدومكم غنّت فرح ديرة الحيْ

وبأحلى بشاره فرحة دبي تمّت