كلمات اغنية اه ياحزن الفراق فالح الطوق 2026

اه ياحزن الفراق اللي جعل فالقلب كيه

ميسمً في جوف قلبي لانزف ولا تشالا

كن من هو حولي الجمهور ونا المسرحية

البطل ضحى بعمره لايجاب ولا يسالا

من حرارة شمس وقتي تحت شمس ودون فيه

كن وقتي متحد ويا الفراق ولا تمالا

الجروح اكبر من العمر الحقيقي فالهوية

يالجروح اللي جديده القديمه لاتزالا

الصدوف اللي تجيني كالرياح الموسميه

مالها عنوان عندي ولا لها عندي مقالا

المفارق حط في وسط الحشى نارٍ لضيه

باح سدي والصبر من قوة الموقف توالا

راحت امي ثم بعدها اخوي وافته المنيه

خف ياوقتي علي من الظروف اللي تتالا

في فراقه ماتعوضني الشعوب اليعربيه

ولا يسكر فرجة دخيل عمام ولا خوالا

فاقدين القلب الابيض راعي النفس الرضيه

وفاقدين اللي يفادي لجلنا حالٍ ومالا

فاقده عودٍ نظره ضعيف وعزومه قويه

كل مايذكره جر الصوت ابو بحه ولا لا

فاقدٍ راع الجناب الزين والكف النديه

الخلوق اللي ماكدر خاطره ولا تغالا