كلمات اغنية الجمال الطاغي فالح بن فصلا 2025

يا حلم عمري يا أمل دنياي يا كل الغلا

يا روحي روحي يا نظر عيني وكلي وآهلي

لك المحبه والوفاء .. والقابليه والولاء

هذا مكانك فـ أيسر ضلوعي تعالي وانزلي

طيفك معي في كل لحظه يابعد كل الملا

يا حبي الماضي وحاضر وقتي ومستقبلي

انا علي .. ( من قسوة ظروفي والايام ابتلا

لكن مادامك يا حياتي في حياتي ماعلي

لبى العيون اللي نواظرها تنادي يا هلا ..

والمبسم اللي ضحكته تسحر وهرجه مخملي

لبى الجمال الطاغي اللي جامعن ملح و حلا

لبى ولبى ليييييييين ما يبقى من اللبى حلِي

انتي علامه فارقه فالزين كله : من …. إلى

ما انتي بحاجه للاضافه والجواهر والحلي

قبل ما اعرفكْ كان في قلبي فراغ(ن) م امتلا

وجيتي وصار اكبر فراغ بوسط قلبي ممتلي

استودعك بالله على زين الحكي ولا على

زين الوجه ولا على زين الجسم ولا علي

بس الوكاد اني ماحبيت أحدْ من قبلك ولا

بحب آحد بعدك وانا لك ياحياتي وانتِ لي