كلمات اغنية أيام العناء فايز الدوسري 2025

أيام العناء

انا البارحه يوم انتحى الليل همي زال

                      بلقيا عنود نبض قلبي موالفها

رسمت السعادة مع حبيبي على الاطلال

             على السيرة اللي لعنبو من يخالفها

علشانها ياسيف هجري وصبري طال

                   ولاة امرها ماغيرت عن مواقفها

اعّيد لطلتها مثل عيد الاستقلال

                 فؤادي يحب من الشوارد عفايفها

تقول ان نحرها بارقً والجبين هلال

        ان كان الرجل يعّسف فانا من عسايفها

عيونً يجي لرموشها في الخدود ظلال

                   وجسمن تباهي به ثيابً يكيفها

ابي عيطمعوسً مالها في الجمال امثال

              يازين الكلام اللي تصيغه شفايفها

تهّزع بشقرنً مجدالتً لامالت مال

                     لـ حبه تغار متونها من ردايفها

فتاة يحيرني طاريها بضيقة بال

               على حبها احب الجنوب ومصايفها

ابوها شجاعً صيرمياً كريم اسبال

                      يشّيد بفخر قومً وقومً يخوفها

علشان خلي كفو العذل ياعذال

                لايمكن تطيعكم العرب في ولايفها

محبتك ياروحي وربحي و راس المال

            قصيدي خذيت من العفايف طرايفها

علي طالت ايام العنا والدروب طوال

             معرف ويش وزن ثقالها من خفايفها

ابصبر وابرجي واخر الصبر له حّلال

        ماضاق الفلك من ضيق الارض بطوايفها

انا ماقدر اقلط في محلً بدون رجال

           ولو ان اهله تعرف سنوعي وانا اعرفها

وانا فوق ظنك حاضرً والظنون جزال

                  طوال الشموخ اطمح لطلة نوايفها

تفضل وكلمني على الهاتف الجوال

            تراك الحبيب اللي لك اسراري اكشفها