كلمات اغنية عنق الغزال فايز الدوسري 2025

عنق الغزال

يا وجودي وجد من مات في رجوى الوصال

وبري حالي يوم ما في يدي حيله وحيل

والله انه عن هوى الغير حاديني لحال

صار في قلبي على شوفته شوق وغليل

الجواب اللي فهمته وهو ماله سؤال

الحديث اللي مصحح وهو ماله دليل

عيطموسِ ولّعتني وجرحي لا يزال

جات في دربي تعمّد وانا عابر سبيل

احسب ان فيني ثقل وأثرني فيني هبال

منك يا عنق المها منك يالزول الجميل

ما يلام اللي شموخه يلين مع الجمال

والتغنج والتغلي ومن هذا القبيل

والله اني من حموله لها كلمه وآل

منزله تعرف ونفعل ولا ننكر جميل

لكن ظروف الهوى تخلف زحول الرجال

كم رزينٍ لا تولع عن السكه يميل

يالشناح الفارده والله إن الحال حال

ماتحمّل نظرة الحب يالطرف الكحيل

يالعيون اللي هدبها يكوّن له ضلال

الوساع اللي هدبهن على الوجنه ضليل

ويا الشفاه اللي كما التوت يالعذب الزلال

يالنعومه يا بياض السحابة يالنبيل

يالذلول اللي بلا بطن يا عنق الغزال

لا يذللني صدودك وانا ماني ذليل

جسمك المقسوم بين الجدايل والجدال

الردوف تقول تزعل ليا إنساب الجديل

ديلٍ صفراً تنعرف كل ما حان القتال

كسب شيخٍ لا تعزوا يهون المستحيل

سطوتك سطو انتحاري وميلاتك ثقال

أصوباك مقسمه بين منصاب وقتيل

مثل ما سوى شليويح في وقعت طلال

انت عدت الماضي اللي بدا من الف ميل

تجرح بعينٍ لها رمحٍ يقض الطوال

وتذبح بسلهامةٍ تودع العاقل هبيل

انت كامل والله اللي له أركان الكمال

وانت عطرٍ ما ندوِّر لنفحاته بديل

الهوى حملٍ بثقله يفوق أعتى الجبال

إن تعكر مر وليا صفى كالسلسبيل

يا عسى شمس المحبة ما يلحقها زوال

ويا عسى عمر الهواى يا هوى بالي طويل