كلمات اغنية ياهوى الروح فايز الدوسري 2025

ياهوى الروح ماني يوم همت بك غاوي

والقصيده بعينك ما اعتبرها خساره

لد طرفك وقلت الحر الاشقر نداوي

فيه بيت القصيد العذب متعه واثاره

تل قلبي وربي ما خلق له عراوي

وراح صبح مساه وراح ليله نهاره

كل ما اغضى برمشٍ سلهمانه حياوي

ابتسم واتنهت بسمةٍ مستعاره

اتمنى وصالك بس ماني بقاوي

ابعدتك الليالي كثر ما كنت كاره

والقدر ما يرده غير الامر السماوي

والله اني على لاماك اسوق البشاره

يا خشيف الغزاله اللي على البعد ناوي

ولّع الشوق بعدك في المعاليق ناره

ليتها بالعزاوي وازهم اهل العزاوي

لكن الحب يجهل من يكون اخو ساره

عود موزك تميله الذعاذيع راوي

لا يزم النهد صدرك ويقطع زراره

كيكتينٍ حليبه يا براسٍ ككاوي

بين وادي طوى عاشت رياض الحضاره

اعتدل لا استملت ولا تجر الخطاوي

اعشق الخصر واخشى من غياه انكساره

اجوديٍ يشيل من الحمول البلاوي

نابي الردف والليل الحريري ستاره

يطوي الثوب منه ليا تمخطرت طاوي

كيف ينساك قلبٍ في الهوا يا دماره

ريق مبسمك شهدٍ ما يجي بالمناوي

صب ثغرك وعانق لهفتي بالحراره

مال جرحي من اهدابك طبيبٍ مداوي

حاول تشوف فرصة سانحة للزيارة

ودي اغفى على صدرك واطيح متساوي

لين يرتاح قلبٍ طال معك انتظاره

وان خذتنا الليالي من بعض يا مضاوي

جعل ربي يعوضني براعية اماره