كلمات اغنية الدقة المخملية فايز العتيبي 2021

عباث سوا وراء عوج النحايف ممر

‏ خلاني اقراء غلط وانا من التايبين

استففرالله تعالی ماقدرت استمر

ولاتحملت من كبر الخطا فـ ايتين

يمكن تقولون يقرا الكافرون الغمر

لكن انا قلت قل يا ايها الكافرين

يارب وانت اعلم ان الحال الاحول شمر

الطف بعقل المفارق وارحم العاشقين

العاشق اثره يمر بمرحله فالعمر

لاهو من المعرضين ولا من المتقين

الحال مامن هنا والخاطر أدهى وامر

‏والحيله الله قوي والضيقه الله يعين !؟

‏تشب نارً مثل نار ... الهنود الحمر

‏ودور وتصيح وتسد الثغر بـ اليدين

لايحسبن الهوى فنجال صين وتمر

‏.. التمر جمرة غضى والسم فنجال صين

اعرضت عن كل غيدأ غشمرية عمر

الا هوى العفري الفض العفيف الثمين

غزيل الريف حقه من قطوف الثمر

جارية الانهار والم مشى الاميري يمين

‏رجلينه تقول فيها مثل ياي الهمر

‏ ياطا على ياي ما ياطا على كاحلين

حتى الحزام الدمشقي لويمسه ضمر

وشلون مدري ماعرف حزامه يروج وين

‏انا ليا شفت وجهه كني اشرب خمر

‏.هذا مهوب آدمي.. هذا خمر مسلمين

بمكعبات. الثلوج اللي مابين الجمر

وحجارة التلمسان اللي على الحجابين

والدقه المخمليه .. والخمار الحمر

والورده الطايفيه والشهد واللجين

بالله ابنشدك يوم ان القصيد انهمر

والسطر مافـ اخره نقطه ولا نقطتين

غريبه العالم اللي يعشقون السمر .

‏ان كان شافوك زين وشافو البدر زين

‏'

‏ماحطو مقارنه بينك وبين القمر ؟

‏اوجد ثلاثة فوارق بين هالكوكبين .!!