كلمات اغنية بواكير الوسم فايز العتيبي 2025

سهيل له خمسين يومن ياخبير

والوسم دندن بالرعود اويّله

طاحت بواكير الوسم وبلن غزير

واجواء البلاد مونّسه ومفيّله

برق تلالا غرب بالثلث الاخير

من الفراشه للبصير اخيّله

عساه يسقي كل منبات الخشير

شُمّخ بها عوج القرون مقيّله

ثم يتوسع بالمناشي والمسير

وكل وادي لاغشاه يسيّله

ولياتعدى شرقنا يرجع كسير

كنه يقول الاولات قليّله

وعساه يسقي دار من لاله خشير

غروٍ سكن بين الضلوع لحيّله

سيد الغواني لاطويل ولاقصير

اللي مثل سبيب شقراء جديلّه

ووجهه مثل شمس الشتاء قبل العصير

إن روحت يم المغيب مميّله

يااللي هواك النوم من فوق السرير

انا هواي النوم باارض مسيّله

في خايع توه من الوسمي مطير

ومن مطر سابق كساه شتيّله

والصبح مركايه على جال الغدير

واضبط فطور البدو جنب مهيّله

هذا هوا بالي وشفي بالي ياخبير

برّ يلاعب قحوياه غزيّله

مدهال ذود صاحبه مااعلف شعير

ومن مكان الى مكان يحيّله