كلمات اغنية قطعة الماسة فايز العتيبي 2023

الاعجاب جابك مثل جيّت هلال العيد

بعد ماتعمقتي بشخصه وبحساسه

تشوفينه النادر وفي شعره التجديد

مشيتي بدرب الشك وابعدك وسواسه

قريتي بيوتن مبطيه في عنود الصيد

قررتي تصدين والصد عوماسه

يقولون قلبي مدهل وهاويله غيد

وعلي الحرام ان قلبي قفرن ماحد داسه

اساليبك اللي فيها نوعن امن التهديد

ماتنفع مع المنعوت واللي قوي باسه

تجين بجبروت ومعاند وكبر وكيد

وانا يوخذ المسباح من يدي بسياسه

تعاملك بالقوه يزيد الوضع تعقيد

ترى القوه احياناً نقط ضعف حساسه

عشقتي من الشعار شاعر وراسه حيد

والاكيد قلبه معك ماهو مثل راسه

احبك وانا عبدن لربي صبي توحيد

اصونك وقصرك ماتخطيت حراسه

متى الله يجيب اليوم هذاك بالتحديد

البسك دبله والنحر قطعة الماسه

الين الحضور اللي ترقب لك من بعيد

يغنون فيك احلا العقد لباسه

وانتي مقبله طلتك تستاهل التمجيد

ولا فيه فجن ماتنطحك نسناسه

على جرتك حتى السحايب تحسد البيد

يجون البدو على خطاويك عساسه

لامرتي روضن ممحل سنين بالتاكيد

نبت عود صفاره وشيحه وبسباسه

عنقن اربعينك بالشبه كلهم تقليد

تعرفين زينك زين معدومه اجناسه

مفاتنك ماترحم وانا العاشق الصنديد

لاقرّبت من عودك مثانيه مياسه

اغيّب من عيونك مثل سكرة العربيد

فقدة الوعي وادراكنا يلفظ انفاسه

بديت القصيده فيك بين النحر والجيد

وانا شاعرن ماشاب قلبه وهوجاسه

يوم انّي قفْلت بيوتها فيك جبت العيد

يديني على خصرك مقفلتن اقواسه