كلمات اغنية محطم الارقام فايز العتيبي 2021

أباكير فكري في اخو شما تجيك شمام

تطيش المديحه فيه و يزين مرتعها

مع الشعر ما تربطني أوراق والا أقلام

تربّطني اللي شهر تسـعه يخشّعها

الي عام ما غنيت والا ازود من العام

لا هزت القصيده ما طلع معي مطلعها

و أنا لو تطول غيبتي يدري الاعلام

الي رجعتن ماكل من غاب يرجعها

لو النعم يشكي قد شكى سوء الاستخدام

الامداح نعرف وين نقطة تجمعها

ليا نطلت شماغ البروجيه و البسام :

و الأسماء الكبيره حاص ثلاثة أربعها

تنصيت من لا قام كلٍ درا إنه قام

ابو وقفةٍ يعرف فـ الأعراب موقعها

علي مسعد الميزاني محطم الارقام

ليا بان فرق اسخى الرياجيل واشجعها

لا قلت الوعد قدام قل الوعد قدام

اله [ كلمةٍة ] لا قالها .. ما يراجعها

ليا دقّرت ما رحت أدقدق من الارقام

عقب [ دق صدره ] دقةٍ كني أسمعها

كريمٍ و أنا ما أقول ما فـ الرجال كرام

لكن الاوااااااااااادم قام يكثر تصنعها

ما والله يعبد المال لو يعبد الاصنام

و معه كل حاجه ما توقع .. ؟ توقعها

على الاوله دايم معه حجة إستحكام

جهوده على ما يطلق الوجه طوعها

لا جيته لو إنك ما أنت بـ أخوه فالاسلام

يوقف لك الدنيا على روس أصابعها

ليا قام في موضوع [ ما تمّ ] عدّه تامْ :

ياكم حاجةٍ ( ما تنترقع .. ) و رقعها ‏

لا جيته و أنا منظام ما أرجع و أنا منظام

يسنع لي اللي ما لقت من يسنعها

معرب نسب معرفته من اكبر الانعام

ظروف الزمن تلقى على يده مصرعها

حزامٍ ما يذخر للشدايد ماهوب حزام

حزام السعه ما يوصل النفس مطمعها

من العزوه اللي يوم ما لـ الامن صمام

ليا طار ستر الجااااااادل و بان مفرعها

لهم صولةً قشرا تخل الجموع اقسام

تحذف المجوخ واطيب الخيل تقلعها

اقوله و انا مانيب من عرض هـ الانام

من الابه اللي راااااااافع السبع رافعها