كلمات اغنية ابحث عن رقمك فلاح المسردي 2025

ابحث عن رقمك

ابحث عن اسمك وادور رقم جوالك

فـي هـاتفـي نـاوي اكلـمـك مـن بدري

ودي اكلمك وخايف ما انته لحالك

وانـا مـواعـدك بـ إن الـنـاس مـا تدري

يا قبلة الغيد انا بنشدك وش حالك

يـا كبـر قـدرك و عنـدك عـالـيٍ قدري

انا اتمنـاك و افـرح ساعـة و صالك

وان غبت كن فـ الضماير شوكـة السدري

قصـة غـرامـي معك لا ينشغل بالك

تهـن نـومـك و حـذرى نـومـة الكدري

ترى خفوقي عليك اليوم متهالك

هـلاك مـن فـر فيه الشيب و الجدري

و يا ناعم الخد زادك كيف يهنالك

خصرك دقيقٍ فَرق عن جسمك الحدري

مزوية العود و الكشخات تحلالك

بالبرقع اللـي يناسب طرفك الخدري

ويا زرع قلبي على خبرك و مدهالك

ريضانك اللي تملَّك من ورى صدري