كلمات اغنية ايه احبك فلاح المسردي 2025

ايه احبك ولا ف قلبي لغيرك مكان

بس انتبه للغرام وشوف حجم الغلا

انا اللي يهواك و قلبه ما بعد فيك خان

وانا احسد الناس لا شافوا جمالك على

على هذيك العيون و جيد وعودٍ ليان

وعلى حضورٍ له الطاعة و كلّ الولاء

انت الوطن للغريب اللي خذاه الزمان

وانت الهوى ياجمال الروح وانت الحلا !

في غيبتك ، ينتصر شوقي واذوق الهوان

ولا زال يحبّك شعور بداخلي ما سلا

في كلّ ليل اسمع لهمسك في بالي ، عشان

( اقول لك ياحبيبي ، جِعْلِني ما خلا )

وانا خِليّ من وجودك و الله المستعان

يرحم محبٍ عليه الشوق شَرْب و كلا

الى متى ؟ اسأل ايامي ، هل الوقت حان ؟

والى متى ؟ الشوق يجاوب ، هذا والْله البلى

احيان اقول ف غيابك ، ما خسرت الرهان !

حتى لو ان قلب خلّك بالحنين امتلى

يا صاحبي الوقت ماله في غيابك امان

يا اعيش وقتي معاك بودّ والّا فلا !

اسأل محبّك و يجاوب والله ان لك مكان

بين الضلوع اشهد ان لك قدْر وان لك غلا