كلمات اغنية لاتشكك فلاح المسردي 2025

ياوليفي منت عن مغليك محتاجً معرّف

وانت عني قد عرفت اللي وراء عوج المحاني

لاتشكك والعقل قدهو على حبك مخرّف

نعمة النسيان عن وصلك مايمديها ثواني

وعن غرامك ليه يوم اخجل وانا فيه اتشرّف

ونفحة من جود حبك مثل تحقيق الاماني

في غرامك مرةً ينتابني جرم وتطرف

ومرةً احساسي الطف من زهور الارجواني

سوّ فيني كل ماتبغي ومسموح وتصرّف

وان قسيت ارفق ترا بالجور ماقصّر زماني

قد طعنّي طعن رمح العود في الحد المطرّف

العقيد اللي يعرفه من تمعنّ في المعاني

انتبه لي ياعيون اللي على المرقاب شرّف

ولاّ انا .. ازهل لاتوصّي ياليان الخيزراني

رايفً بك مثل ماداري على الصيت المشرّف

ف الخفوق وفي العيون وفي الرفاع من الطماني