كلمات اغنية امي فهاد العلي 2016

امي

بادين بالواحد الفرد الصمد

خالق الدنيا عليم احوالها

بعد ذكره جاكم الشاعر هدد

من ضميره صاغ حلو امثالها

اسمعوا طرقن من الراس انوجد

كلمتن من نظم جمعه قالها

شاعرن ويحوش ماحاش الاسد

الضوراي الرخم ماهو بحالها

ان تكلم بالجزايل أنفرد

والفرايد عارفن مدخالها

احتزم بالرب له عون وسند

مايخاف ادقاقها واجلالها

قلت بامي قاف ماقلته باحد

في حشايه شيدت منزالها

ثابرت من يوم كنا بالمهد

شالت احمولن تهد رجالها

لجل تسقينا من النحل الشهد

جاهدت وقتن صعيب لحالها

مثل ديمن مابها برق ورعد

ربعت وديانها وجبالها

ام جمعه عمرها عله مدد

طيبه والخير دايم فالها

قلت والانشاد يبغى له ولد

يفهم الابيات وش موالها

دارسن والفكر ماعنهن شرد

اصعب الالحان مايأبا لها

استلم فهاد دامك مستعد

رقص الصاله ومنهو جالها

خلِ ياقف كل مضيومن قعد

يدله وينسى الهموم بحالها

ياعسى تحمى من عيون الحسد

من شياطينن تبث اهوالها

اطرب بصوتك جميع اهل البلد

كل صاله زلزلت زلزالها

يابوماجد منكم الجزل انولد

الخيول تشوش مع خيالها