كلمات اغنية تاج الزين فهاد العلي 2025

تاج الزين

طبت عليهن ملاك الزين

ولامنهن اللي تحدنه

يوم لعبت خلت الباقين

زين العذارى يخلنه

تنقض جديلً على المتنين

لونه كما الليل ياكنه

لاقام يلفح يسار ايمين

من الهوى يفوح بالحنه

برق الحيا يجذب السارين

وخد الغضي نسختن منه

الزول والجسم والعينين

كل الجمال اجتمع فنه

العود بين القسا واللين

يوم الهبايب يمرنه

تقول تمشي على يايين

أقدامها دوب ياطنه

والخصر ناحل كما القوسين

يشكي من الجوع انا اضنه

تخلي الملعبه قسمين

فيها جمالً تمننه

شيما وغنجا وسيعة عين

منها اكثر الناس منجنه

في وصفها ماتشوف اثنين

الا من الحور بالجنه

جيل الثمانين والتسعين

والفين زينه يعرفنه

وقت التحدي يبان الزين

ماهي سوالف ولو انه

يافال منهي تحدت شين

اتمضي الليل بالونه

النور من نورها نورين

غزيلً من صغر سنه

هي روعة الكون تاج الزين

الها الصداره بلا منه

اب اختصرها على الباقين

الشعر يِصخر لها كنه