كلمات اغنية شعار تأسيسنا فهد بن جازع 2025

ياتاج راس الفخر والعز يا بلادي

يا كل معنى الريادة والقيادية

ياشمس عمري وبراقي ورعادي

يانبض قلبي وروحي يالسعودية

يا القبلة لكل من كبّر ومن صلّى

مكانتك يا الغلا ماهي بعادية

من أسسسك بن سعود وللبنا علّى

وانتي بخير ونما ولاسمك ريادية

حزة بدينا وتجاوزنا الزمن لاغبر

غرس(ن)غرسناه علّه وسم نجدية

عهود مرت علينا وحلمنا يكبر

عشنا بها في رخا واحلام وردية

وبعهد سلمان ومحمد نما واثمر

حلم(ن) بنينا وثورات اقتصادية

رؤية قيادة حكيمة وشعب(ن) يعمّر

دولة لها ثقلها وثروة سيادية

مابين كبرى الدول فزنا وتصدرنا

الراس بالراس باصرار(ن)وندية

لا احتاجنا الجار مايوم(ن) تعذرنا

وقفاتنا من قديم الوقت جدية

علم ونخلة وصقر ورمز خيل وسوق

شعار تأسيسنا بالوان عودية

واليوم رؤية وطن ترقى بنا لا فوق

ذا لاين نيوم والروشن وقِديّة

يارب ديم الوطن واحفظ لنا آل سعود

واحفظ لنا دولة(ن) بالروح مفدية

وانصر على الحد جيش(ن) بالنصر موعود

أمّن بعون الله ثغور(ن) حدودية