كلمات اغنية هذي السعودية فهد بن جازع 2025

هذي السعودية لها بين الاوطان

مجداً وعز ونفتخر في ثراها

من يوم اسسها معزي الى الآن

بامر الولي والخير عم وكساها

عبدالعزيز بحكمته مجدنا بان

عز وفخر رف العلم في سماها

قايد وله في قمة المجد عنوان

وحد صفوف المملكه واحتماها

تاريخ ابو تركي على مر الازمان

ماتنسي ذكرى نعيش بولاها

حكام فالارض الوسيعه لهم شان

سيرة ملوكاً كلنا في حماها

وتبختري يادار نهضه وعمران

بالملهم اللي مملكته افتداها

اللي يمينه كنها حد شامان

محمد اللي بحنكته ابتداها

ماله شبيه الا معزي كحيلان

به نعتلي وبرؤيته انتباها

له هيبةً تخضع له الانس والجان

وبحنكته قاد الحزم واحتواها

عين العدو لاشاهدت سيف سلمان

يعمي بصرها قبل تنوي رداها

للطيب طيب وللعدو سهم نيشان

هذي السعوديه خسر من نواها

لها جميل بكل دوله وبرهان

واسم السعودي مرتبط في وفاها

حنا بضل ملوكنا امن وامان

وارواحنا دون الوطن منتهاها

للعز ياداراً للإسلام عنوان

وللعز يابيرق يرف بسماها

حبه تملك داخلي كل شريان

في ذمتي ماحب داراً سواها