كلمات اغنية العود وعياله فهد بن فصلا 2025

 العود وعياله

ياللي تدور للجديد اسمع واخذ مني جديد

انا على ستعداد جاهز شل ولا منبري

خصوصاً انجت للقبيله وين عبدالله ويزيد

امدح بني عمي واغني من رها وانا جري

خل القريب اللي مدوحه كل ابوها فالبعيد

الجحدري في لازمه يلقا حميا الهاجري

ابا اتعنصر عند ربعي واقنص الشرد وصيد

ويزودني لا قيل ابن عيفان شاعر عنصري

ماشغلني زين جيدك يامنسوع القوام

العن الشيطان وذبح على بعدك فالدي

تالي الايام صاير من البل ل الدوام

لي متى بجامل الناس انا كل جهدي

السوالف ف العرب ما توصلك المرام

اقعدي يا هرجة الاش فالصدر قعدي

يوم صمنا عن هروج الردي شد الحزام

الردي لازم تهينه ويدري انه ردي

فالتواصل ممتحنا وفي وجهه لثام

ياضعيفه في تويتر مكانس غردي

فالحمايا ما نميز قيود ولانظام

تجتول من راس مسروري الراس سعدي

في مديحك جيت اسابق مراويح الغمام

والقصيده من حميه وهذا مقصدي

انت عبدالله ولد عايض اسمً مايظام

طيب ومطنوخ ومعرب وكفك ندي

شوط شلفاء الشعل محسوم مافيها كلام

من يمين محمد الى يمينك يابعدي

ومحزمك يزيد ياسعد من حطه حزام

يتولى الكافر الين يصبح مهتدي

قال يابوسويد النور جلاي الظلام

عادني فيهم علي الطلاق اني مدي

ياسلام الله على العود وعياله سلام

قحطان عيال شايب ولافينا ردي

حولو ياصلب جدي على الصيهد شمام

طبعكم وانتو هلله ياعزي وسعدي

ياهل الحرشا هل الفعل عالين المقام

ياهل الحرشا كعام العدو والمعتدي

ماذخرنا غير روسُ ليا اصطك الزحام

كن حداهم فوق بنت العماوي ويحدي

في يديهم راية النصر تطرخ كل عام

اكثر اصحاب النواميس فيهم تقتدي

ولا ذخرنا غير شولاً مثل مشط الحزام

لا غدا عند المنصات للشعل ارجدي

كل قشعاً لا بدا الشوط ما معها لحام

كنها تقول الدبش من تحت هبدة يدي

اقحزاً سنامها كن نابتبه سنام

وكنها ترقب نسورن مياسير الجدي

اكثر اهل الشعل حامت عليهم ياحرام

وافركت خشمك ياهادي وخشمك يامهدي