كلمات اغنية كيف جيتي فهد بن فصلا 2025

كيف جيتي ماتوقعت تجمعنا الضروف

كيف ردتك المقادير ينصر دينها ؟

مرحبا واهلا هلا فيك ياعين الهنوف

اصبري نفرش الارض لا تمشينها

السنوات الطويله طويله والصدوف

انقطع حبل التلاقي على سكينها

ماطرى لي عقب غيبه وياس وحرق جوف

يجمع الله الشتيتين فيما بينها

حول عشر سنين واكثر وحنا في خسوف

اشرقت بقدومك الشمس لا تنسينها

الكواكب والمجره تصفق لك وقوف

كل واحد قال رد السلام لعينها

المطر بشر بك الارض فرحان وشغوف

كيف ينسى طفلة الماء وينسى زينها

اقبلي يعزف لك العود وتطق الدفوف

والقصايد كل وحده على تلحينها

يارقيقه يوم اخذتي من اسماء السيوف

اصبحت من برها تفتخر في لينها

اجلسي لك نصف ساعه تسوين معروف

ودي اغني بك ابيات ماتبغينها

داخلي فرحة محبه حيا تقدير خوف

كل وحده تاخذ الثانيه بيدينها

كيف جيتي ماتوقعت تجمعنا الضروف

كيف ردتك المقادير ينصر دينها ؟