كلمات اغنية لا حياه لمن تنادي فهد بن فصلا 2026

ساد غيم و لاح برق و طاح دمع و سال وادي

يا عيوني وش بقى من دمعك اللي تذرفينه

بين "لا تبحث خفاك " و " لا حياه لـ من تنادي"

انقطع حبل الرجا المربوط في النفس الحزينه

لا نويت اسلى عن الحزن بـ طويلات المبادي

قامت الذكرى وراي تقول : جعل الله يعينه

من كثر ما تضغط الدنيا علي و اقول عادي

صرت اواجه وقتي الغلّاب و اصافح يمينه

الهجر يقدر يسوي ما تسويه الاعادي

والوصل يقدر يعيّش صاحبه وضع السكينه

يا حفيدة متعبين الخيل مروين الهنادي

كل بيتً فيك يلبس له عن الابيات زيِنه

لا تلوميني ليا من جيت لك كلي مفادي

من يشوفك مستعد يسوق لك عمره رهينه

في وصوفك يعجز لساني ولا يعجز فؤادي

يوصلك شعري من الاعماق كنّك تخطفينه

اتعذّر كل ليله بـ الشعور اللا ارادي

كن ما ذا بـ الشعور اللي من اول تعرفينه

لا يهمّك لو يقولون البحر ما هو بـ هادي

المهم ان البحر ما طيّر شراع السفينه

اطلبيني كل شي الا التهاون في المبادي

من تهاون في المبادي يا عسى ربي يهينه

عاشقً غادي بـ حبك والله ان ماهو بـ غادي

لو ورا حبك يبيع العمر و يضيّع سنينه