كلمات اغنية الوجد فهيد النتيفات 2025

كريم يا بارقٍ وايخيله الساري

اللي مساريه كره من ورى كره

للي على شوف عينه طالت اسفاري

جمرة افراقه على كبدي لها حره

عساه ليلٍ على المجمول مدراري

وتصبح معاليق قلبه منه مخضره

يا ماطر الشوق قله تالي اخباااري

في خزنة الحب مابه غيره الدره

في سوق الاحباب لا بايع ولا شاري

عاد اريش العين له فوق الثرى جره

وسلم على شبه ريمٍ يسكن ادياري

وقله من البال ما غيّب ولا مره

احن له كلما جابه لي الطاري

وايطيح له من عيون المشتحن قره

لا غرد الطير والا هفهف الذاري

عودت اغني على المسحوب وآجره

جرة غريبٍ على ضيم الزمن زاري

ما مدله خيره وما سلم من شره

ايو الله اني عليه امبيح اسراري

وبتموت عيني وانا اللي حافظٍ سره

ان كان صدة وليفي منّي اجباري

شربت كاس الصبر لو كانها .. مره

لو يصفق الوجد بيميني على ايساري

حلفت يا صاحبي ما  والله  آضره