كلمات اغنية بارق الشوق فهيد النتيفات 2025

يا وليفي لا تقطع وصالك

جعل حالي ومالي فدا لك

يا قمر [ ليلة ] اعلن تمامه

لا تذكّرتك [ اطرَب ] واغنّي

اعشقك موت من صغر سنّي

صار حبك بـ صدري علامه

رامي بن ضيف الله .

انظم القاف لك واتفنن

حتى لو كان زينك يجنن

منك ابي شوفةٍ وابتسامه

لو تباطيتك انهد حيلي

وجد قلبي عليك وياويلي

اسأل الله منك السلامه

تركي بن فآهد .

شاعرك يا الغزال المذيّر

حبك [ بخافقه ] ماتغيّر

باقي (ن) لين يوم القيامه

انت سبّة هيام الأوآدم

من يحبك فلا هو بـ نادم

عاش ماذاق طعم الندامه

محمد بن مجثل .

كان تبغىٰ العلوم الدقيقه

ما نسىٰ البال ذكرك دقيقه

ازبن الروح قبل الملآمه

يا هوىٰ البال والروح وينك

ليت منهو [ يقبّل ] جبينك

ومهجة الزين مبسم و شَامه

حسين بن دشّآن .

ليت للحب قانون دوله

كان شرعه ماتقدر تطوله

كل ماغبت تدفع غرامه

قدرك مقدرٍ كنه اسمي

عند الاجناب وعيال عمي

ترتبط عزته بالكرامه

عبدالله آبن حمد .

يوم حليت داخل فؤادي

شاعرك هام في كل وادي

مهتنا بعدكم في منامه

اسهر الليل اسامر طيوفك

وابتسم كن عيني تشوفك

ليت قلبي يحقق مرامه

عثمان الكبيري .

يا لطيف الهوى و المحيا

مسكنك في ضلوعي ( هنيا )

العشق من سمات الزعامه

بارق الشوق صوبك شعاني

سهم حبك ما سمى رماني

والهوى زين وقت انسجامه

سعود ابن سعد