كلمات اغنية ودي أصبر فهيد النتيفات 2025

اشغلت بالي طواريق مزاحه

شيب عيني ماقدرت اتحملها

في عروقي تدفع الشوق بالراحه

تنتهي و ارجع عليها من اولها

ودي اصبر بس الاشواق فضاحه

اتوقع للنتايج و اخايلها

لا سمعها شاعر هز مسباحه

يرسم الفكره و الأبيات يجزلها

الشقاوي مثل ممساه مسراحه

لو جهوده في مساعيه يدبلها

ادري ان الخلق ماهي بمرتاحه

قلتها يا كم من الناس قايلها

و اتناسى علة القلب و جراحه

من قلوبٍ ماعرف وش بداخلها

يا زهور الورد و الفُل فواحه

ودي اجلس في طرفها و اقابلها

ادري ان صدوف الاقدار سفاحه

تعترض درب الاماني و تقتلها

لو قضيت العمر رحلات و سياحه

ماسلمت من الهموم و فعايلها