كلمات اغنية سمرا يا أم عيون وساع فيروز 1960

سمرا يا أم عيون وساع والتنورة النيليّ

مطرح ضيق ما بيساع راح حطك بعينيّ

سمرا يا أم عيون وساع والتنورة النيليّ

مطرح ضيق ما بيساع راح حطك بعينيّ

يا عيني ع ها العينين اللي ع دنية ورد انفتحوا

وكيف ما التفتوا ع الميلين قلوب، قلوب بينذبحوا

يا عيني ع ها العينين اللي ع دنية ورد انفتحوا

وكيف ما التفتوا ع الميلين قلوب، قلوب بينذبحوا

في نجم بلفتاتك ضاع حكيت عنك غنيّ

في نجم بلفتاتك ضاع، ضاع

في نجم بلفتاتك ضاع حكيت عنك غنيّ

وسحرك يا اللي ما بينباع مبكي الوردة الجوريّ

سمرا يا أم عيون وساع والتنورة النيليّ

مطرح ضيق ما بيساع راح حطك بعينيّ

لم بتكوني حدي بشوف الدنيّ مزارع ورد وفل

جوانح تعبانة ورفوف بساتين تزقزق وتطل

لم بتكوني حدي بشوف الدنيّ مزارع ورد وفل

جوانح تعبانة ورفوف بساتين تزقزق وتطل

ولما الأسرار بتنزاع وبزعل من شي خبريّ

ولما الأسرار بتنزاع آه

ولما الأسرار بتنزاع وبزعل من شي خبريّ

بتقولي لي إرجع، إرجع وما أدري شو بيصير فيّ

جلسي لنا وع الحب مجتمعين

وثنيننا ع المقعد مجانين

جلسي لنا وع الحب مجتمعين

وثنيننا ع المقعد مجانين

وك قربي صوبي تنحكي شوي، تنحكي شوي

وك قربي صوبي تنحكي شوي

عيونك وقلبي وسر ها الحلوين

مبارح كانت عم بتقول عصفورة لإختها بالسر

شالك يا سمرا مغزول من لون الزهر المخضر

مبارح كانت عم بتقول عصفورة لإختها بالسر

شالك يا سمرا مغزول من لون الزهر المخضر

خليني بعينيك شراع قاصد مينا منسيّ

خليني بعينيك شراع آه

خليني بعينيك شراع قاصد مينا منسيّ

وإن شي مرة الزنبق شاع خبي لي منه شوي

سمرا يا أم عيون وساع والتنورة النيليّ

مطرح ضيق ما بيساع راح حطك بعينيّ

سمرا يا أم عيون وساع والتنورة النيليّ

مطرح ضيق ما بيساع راح حطك بعينيّ