كلمات اغنية الدواسر مزبن الجالي فيصل المداريه 2025

فاحت بيوت القصيدة مثل فوح الدله

يوم ازل الكيف واذعر هيله ومسماره

استقيمي ياقصيدة واصدحي ياشله

ماهي بلحية سلام ومرحبا وزياره

كم لنا نرقب بشير الخير في عبدالله

من يبشرنا ونعطي للبشير بشاره

غالين والله لو اذبح له حلالي كله

ماكفاني في كرامة شوفه ومسياره

مرحبا ياجانبن من عاشره مامله

مرحبا بالراس الاصوك واليد النثاره

مرحبا ترحيبن نقوله مهوب من قله

تحتريه المرحبا من ربعه ومن داره

ابن عمن فالمواقف مرجلته جبله

والله انها تفهق اشبار الزحول اشباره

والله من طيب المقام اللي يجي في حله

والحجاج اللي تسابق فزعته معذاره

ولد عودن يستطلون الرجال فظله

يشهد لوران وافعاله محب وكاره

المديح يدله وروس الرجال تدله

كل يوم يجدد فعوله ويشعم ناره

ابلجن من ترثة اللي يسهجون الحله

مجد قومن تنقل اقلام الرواه اخباره

الدواسر مزبن الجالي وستر الخله

في نهارن صاح صياحه وثار غباره

يارفيقي لاتلوم عيوني المبتله

لابكت مثل الصغير اللي يهل عباره

مافقدت الا ابن عمن ماهو بحي الله

اذخره واعينه لابارو البواره

كل ماشان الزمان وقلت ياعبدالله

واعتزينا ف اخو وضحى ولا ف اخو ساره

كن في يمناي سيفن لابغيت اسله

اشهره وانا جري في سلم ولا غاره