كوبليه ما هي كلمات اغنية عتيبه فيصل المداريه ...؟
تاريخ طرح اغنية فيصل المداريه الجديده عتيبه
٢٤ يوليو ٢٠٢٥
كلمات اغنية عتيبه فيصل المداريه 2025
دقيت سلف آلزيتي آلي كل ما جآلي لـزوم
صآر يتمنى آلرآحـه آلي شآفهآ في مصنعـه
آسج به لا [ ضاق ] صدري كل ليل وكل يوم
هو والله الي يطوي آلخط آلطويل ويقعطه
معه آلقصيد آيزين لا غنيت وتزين آلعلـوم
وآسمع قصيد آلشآعر آلي يطرب آلي يسمعه
في لازمه مآ نعرف آلا آبشـر بعزك ومخدوم
لن مآوقفنا في لزومه / عاد من ناقف معـه
حنا حزام الجنب و دروع الرفاقه و القروم
باب السماء قدامنا مفتوح .. و الدنيا سعه
اليا شبحنا ماشبحنا غير في بيض النجوم
واليا هرجنا طاح سوق المكتبه و المطبعه
في واجبات ابناء العمومه مانفكّر ف العموم
كل ابلجً يومي بمسباحه على راس اصعبه
مثل المزون اللي صواعقها على روس الرجوم
اليا تحدّر سيلها شال الجبل من موقعه
خوينااا يامر علينا .. فالدفاع وفالهجوم
يوم ان بعض الناس ما يرجى وراهم منفعه
الدم يطبخ من سطر والروس مليانه عزوم
واللي مافي دمه حميّاا جعل ربي يقلعه
وصدورنا فيها البواخر والسفن تقدر تعوم
لاضاق صدر اللي سعة صدره ثلاثه فـ اربعه
مير اسمع اسمع يا حفيد اهل الاشده والختوم
اللي سواتك عنده الاعذار ماني مقنعه
والله ماتلقى لك جذع غير متقيد فالسلوم
يمناه من فوق الهقاوي و العزوم مكوعه
تبطي معاملة المراجع فالذهاب و فالقدوم
و ليا و صلت عند الجذع تلقى الامور مسنعه
ان كان جت بالطيب و لا جابها بفرك الخشوم
ياجعل يفدى الاد عساف الخبل و الامعه
اقولها و انا عتيبي روقي و حافي و توم
نموت و الله ماتدرقنا خلاف الاقنعه
حنا عتيبه قسمنا بين العرب خير القسوم
عاد العتيبي في مجال الطيب محدً يمنعه
ايدق صدره للرفيق ولا وقف دق الخصوم
واليا فزع خلى عقيد القوم يلقى مصرعه
المرجله فينا طبيعه ماعليك من العلوم
والطيب والنوماس مرجعنا وحنا مرجعه
اليا قعدنا تقعد الدنيا ولا قمنا تقوم "
شطرً على شان المفاخر كل يوم استرجعه
مانرخص الوقفات والفزعه على اول من يسوم
لا جنّب اللي في علوم الطيب ماله مطمعه
وجيهنا تدرك مطالبنا ونفعتنا تدوم
وفعولنا غراً مثل شمس النهار مشعشعه
مركاضنا كان التقى الجمعين قومٍ ضد قوم
السيف منهم نشبعه والطير منهم نشبعه
متيهين الفاطر ام حوار والبكر الردوم
في ضفّنا لو الزمن مسني تقول مربّعه
نرعى بها دار الحفيف الي تساقيه الوسوم
لا قام نبته يطـّرد كنه حصاد المزرعه
يوم البداوه حد سيف ومنسف وغوجٍ عزوم
محوالنا في نجد خلى الطايرات موقعه
والله ما اخذنا نجد الانجد بالعوايد والسلوم
قد قالها العفار والتاريخ للي يصنعه
عاد العتيبي لا تعزوى في نحى الجمع الطهوم
في ذمتي لو ينكسر رمحه ليطعن ب اصبعه
اغنية عتيبه فيصل المداريه 2025 بالكلمات مكتوبة كاملة من كلمات 1 - متعب مرزوق 2 - سلطان الحويقل 3 - عناد الشيباني 4 - محمد غازي التوم 6 - صنهات حشر 7 - ضيف الله السميري 8 - سلطان بن بشير وتوزيع ايمن مخاوي تم طرح اغنية فيصل المداريه الجديدة على القناة الرسمية على اليوتيوب بتاريخ ٢٤ يوليو ٢٠٢٥ كوبليه كلمات اغنية
- كلمات : 1 - متعب مرزوق 2 - سلطان الحويقل 3 - عناد الشيباني 4 - محمد غازي التوم 6 - صنهات حشر 7 - ضيف الله السميري 8 - سلطان بن بشير
- توزيع : ايمن مخاوي
