كلمات اغنية من الوديان للعارض فيصل المداريه 2025

الا يامرحبا بأهل الوفاء فالموعد المرسوم

على شان الوفاء .. للي وفاه مقفل ٍ تيمة

بأسم ربعي سبيع اللي ليا جات العلوم علوم

لهم زامل رهن روحة بفزعاتٍ لها قيمة

هذا بيرق سبيع الشاعر الرجال والشغموم

عسى ربي يحييكم على حفلة وتكريمة

ابو تم وهلا وابشر بعزك لاتشيل هموم

وابو كف ٍ يضحي فالخصيم وفي ولد ريمه

شجيع ٍ لا وصله العلم ينهض له سطر ويقوم

مقام اللي يسد النوب ما تاهت مفاهيمه

ولة ميقاف للعراف وان جاء للسلوم سلوم

يحفظ السلم والدين السوي طبق تعاليمه

حصان الطيب مايلحق مقامه لا تمثل لوم

ومزبان الرفيق اليا شكى من ضيقته ضيمه

يرفرف بيرق سبيع الفخر فالعالي المزموم

عسى ربي يبارك في حياته والله يديمه

مقدم من مقدم و القدايم عزها القيدوم

ابوه و عمه و خاله و ربعه مصدر الشيمه

مجامعة ٍ تطابخ روسهم جود و ظفر و قروم

لا قال الشاعر ابهم لو شطر زانت مناضيمه

هذا التكريم يلزمنا لزوم اللّزم من الملزوم

على الطيّب سوات الصيب النافع من الغيمه

كرامة عمر يا زامل ماهي كرمة هذاك اليوم

ترانا عند ظنك لا غدا فالظن توهيمه

تحزم وابتجح ياصقرنا اللي لاكفخ ب الحوم

يحول ب العشا ويعشي ب كفه معازيمه

هذا عد الروا عد الكرم ف الموقف المزحوم

وقف له موقفن يذكر ولاتنسا مراسيمه

هذارمزالسطر رمزالفخرفي الموقف المحسوم

يمثلنا مع العالم بترحيبه وتسليمه

على وضح النقا جاه الرشيدي قال مابه سوم

برك للحمل ثم شاله ولافكر ويش القيمه

والاياسيفنا اللي ماعليه من الثلوم ثلوم

يداوي علة المظيوم قبل يموت من ضيمه

سلاح ٍ في وجيه الفرس والا في وجيه الروم

نصادم به مغاتير الزمن والامجاهيمه

على صوته تقوم اصحاب وربوع وتطيح خصوم

مخيلٍ يرزم الرعاد باتلاه ومقاديمه

يا بيرقنا تدوم وهيبتك منها يطير النوم

ياسيد محفل التكريم مانتب من معازيمه

ذخاير عامر الاول سحاب امن العطا المردوم

تشعّ الارض من سيله ويتبع سيله الديمه

نقول لمن يطاولنا على عرش الفخر يا قوم

مثل ما ذكر فالقرآن للجهّال تسليمه

مصاحبنا نختّم له على صك السلام ختوم

ومعادينا عسى ربي يعدّينا مواثيمه

بنات الفكر حيل وفي مدايحنا يجيبن توم

فضانا يعطي الشعار تحليقه وتنجيمه

لنا تاريخ من بين القبايل ما يبي له زوم

يشاهده العمى في ليلة ٍ ضلما وتعتيمه

من الوديان لـ العارض وحنّا قبلة المظيوم

عرفنا بالحمايا سبيع وسهولٍ لنا شيمه

وزامل واحدٍ منّا لا منه قام قوّم قوم

يمثّلنا ومثله واجبٍ فالصف تقديمه

وعسى عز العزاة العامريه للبقى ويدوم

وعلى خير البرايا أزكا صلاة وخير تختيمه