كلمات اغنية وادي الرشا فيصل المداريه 2025

وادي الرشا 

يالله بوسميً بعد طلعة سهيل

نوه حقوق وجيته في حتونه

على فقارت نجد يرخ الهماليل

وعلم الحيا عساسته يذكرونه

يغطي النبت السهل والاقاذيل

والبدى لوو رخص العلف مايبونه

وداورد يسقيها صدوق المخاييل

من وابلً صيب تراهش. مزونه

ياخذ ثمان ليال ماياقف السيل

مع كل شعب ملاه مايقطعونه

أنا اعشق الديره وهاك المداهيل.

والوادي اللي نزلنا في ركونه.

حموه جداني بحدبً مصاقيل

ومنزحين اللي عنه. يقطنونه.

سواقة العطفه نهار. المحاويل

محدارنا كل العرب. يعرفونه

واد الرشا مايطمعه بارد الحيل

قد سيقت الارواح والدم دونه

مجد مثبت من على ضمر الخيل

بحدب السيوف نحد من يطمعونه

حنا عتيبه والفخر. له. دواليل

تاريخنا كل العرب يعرفونه

فالكتب والا في صدور الرياجيل

والا على صم الصخر ينحتونه

والشعر له معنى ومغزى وتفصيل

واعرف بحور الشعر واعرف لحونه

ان جاء مجاله صغت عذب التماثيل

وفكيت عن جوهر قصيدي حصونه

شاعر وشعري مثل كيف المعاميل

كيفن يقند. روس من. يشربونه.

ولا. المحبه. ماوراها. محاصيل

كم عاشق قلبه. تزايد غبونه

مثلي وانا اللي جاري لي غرابيل

تبعت قلبي لين خابت. ضنونه

بلاي من راع الرموش. المضاليل.

احلام عمري ضايعات. بدونه

مزيونة فيها. تضيع التفاصيل

معها يضيع. البدر. شكله. ولونه

فيها من العفري وفيها.من الخيل

وتاخذ من الشيهان. نظرت عيونه

اليا. ثثنت. ولفحت ب المجاديل

سبيب صفرا ب العنان. معنونه

غيداً مثل عطفة كبار للحلاحيل

تنخى بيومً يفحا الأبطال كونه

ليا طوحت بالصوت وين المشاكيل

من صوتها الخيال جنت جنونه

هي منوتي من لابسات الخلاخيل

وهي دانةً عن ماينقد مصونه

لو ماكسبنا فالهوا إلا البهاذيل

لكن أنا عهد المحبه ماخونه