كلمات اغنية أفتخر ياراسي ماجد خضير 2025

ساعة ان الشمس غابت وودعت النهار

راح صدري كن وسطه صفوف وملعبه

افهق شماغي من الضيق وافك الزرار

قمت اواجه ضيقٍ اجهل مجيه وسببه

ضيقتي ماتدري انا من عيال الحرار

لاغدا فالجو عتمه وموقف ورهبه

قدرنا محفوظ عند الرجال بكل دار

مانخاوي غير راسٍ عريبٍ منسبه

فعلنا ماهوب توه واسامينا كبار

لسطاش اللي يزامر ويفتل بشنبه

لا تقفتنا حناجر مهضمة الوقار

كل هرجه في قفانا ترقينا عتبه

ان زعلنا نضرب الارض ويطير الغبار

وان رضينا راحت فياض قاعن معشبه

وان قنينا ماقنينا حراسيس البكار

مانسوق المال فلي يجي فيها خنبه

نفني الاموال فاللي ما يردعها الحوار

مايعيبها بروده ومظهار ارقبه

يوم مخباط المعاشي ما ينقصها ادجار

كن الاراضي تحتها رماح مذربه

عزنا من عظمة الروس ماهو بالاجار

لاغدى لهل المجالس عسام وضبضبه

أفتخر ياراسي اللي تحب الافتخار

انته قنادك من الكيف سوه وشربه

وانتي يلي دونك الشعر كله بختصار

تفتنينه لين احبه عشانك واكتبه

وجهك اشوفه صباحي ليا انزاح الستار

انا معجب فيك ي ام العيون المعجبه

فيك شبه من الغزاله وشبه من المهار

كيف مدري بس صارت عليك مركبه

منتي بحاجة تزين .. ورمش مستعار

خالقك قاسم لك الحسن من يوسف هبه

عاد خصرك شي ثاني وتحفه بختصار

تقدر سوارتك تركب عليه وتكربه

طلعيني ياجميله من حدود المدار

شوفتك طموح مغرم وشعر وموهبه