كلمات اغنية الدعاجين ماجد خضير 2025

الدعاجين

من خاطر ما استراح وبادي له علوم

ازريت لا ارتاح واسلى ياجماعه منه

يكافح الضيقه بقوّ الصبر والعزوم

ويقول يالله تخلي الكايده ممكنه

يوكّل الله ليا كثرت عليه الهموم

ويرجيه عفوٍ يبدّل سيّته بحسَنه

يستانس وتدهل ركابه محل القروم

وبيت الردي لو يمرّه عنه ساق ضعنه

لاشفت بابك يابو سلطان فاتح ياقوم

كنّي مسافر غريب وراجع لوططنه

حقك علي اثني الركبه واسسدّ اللزوم

لزومك ان جاء مجاله عيب اقفي عنه

ماني من اللي لاجاء الماقف مايقدر يقوم

انا سلاااااااح بـ يدك وممتلي مخزنه

المدح ينصى الكرام اهل الوفا والسلوم

و الطيب منّك وفيك ومعدنك معدنه

يامحمد اسمع بيوت الشعر وانت مخدوم

وابشششر بقافٍ تشدّك حبكته ولحنه

في حفلة نوورها يحجب شعاع النجوم

يامرحبا ...... عدّ ماجاء للنجر دندنه

يامرحبا والسماء غطّت عليها الغيوم

سحابةٍ عودها الازرق يفووح دخنه

وبنٍ يماني يقعّد راس من فيه نوم

تشريه غالي وتدفع لو يزود ثمنه

مضيفك اللي يقلّط كل ليله ويوم

يفدااااه بيتٍ يضيّف مرة فالسنه

يابن صليهم عسا شرواك دايم يدوم

ذكرك ينومس وتاريخك حديث السنه

من الدعاجين فلاجّة نحور الخصوم

و يدينهم حدّها والله ماتسلم منه

يالاد مفلح معاديكم يطيح مهزوم

ويموت من حرته والله مايدرى عنه

اليا اعتزو واعتلو من فوق قبا قحوم

المجد من يكسبه والعمر من يضمنه ؟

لاجاء للأرواح فالأكوان قيمه وسوم

خصيمهم والله ان حلّت عليه لعنه

ومن يوم عم الأمن والدار صار محكوم

ارواحنا دون حده بالولااااا معلنه

نكعم بصملاتنا اللي فيه شوفه وزوم

واللي تهقوا ترا ثوبه يصير كفنه